افهمنا لايجى راب سكول

كلمات الاغنيه

حواديت كتير كنت بسمعها
نفسى فى مره بس المحها
قالولى كتير فى مساعدات
بس مفيش اى معاهدات

بسمع فى اليوم 1000 واحد
يطلع زى غيره جاحد

مفيش فى دماغه غير الحقد
تيمع منه الف رد

فى ناس كتير
فاكرين ان دماغهم من حديد
فى ناس كتير
ناسيين ان لكل جديد جديد
فى ناس كتير
الشهره هى هدفهم الوحيد
فى ناس كتير
هتفهم ان لكل وباء

وهى دى بدايه الحكايه
من بشايرها مفيش نهايه
مش هنقول كلام كتير
والشر بقى هو الغايه

هييجى اليوم اكيد هتقول
انا خلاص بطلت غرور

ليه تعيش نفسك فى جحيم
اكيد انتا مش قده
كلام كتير لازم يتقال
وزى ما تصد رد

ظالم نفسك
ظالم غيرك
مستنى كلمه كتر خيرك

حاول الاول تفهم نفسك
قبل ما يوم تعلى حسك

اوعى تقول الفكر غاب
علشانه بس بغى راب

مش هيبقى فى وقت تتغير
ان كنت حتى فى يوم صغير
انتا اكيد من البشر
ربك مش خالقك حجر

حاول تسال الدنيا ايه
مش بس تقول اقابله ليه

اسال نفسك فيك ازاده
مش بس تدور على الافاده
احنا فى دنيا مش فى غابه
والناس اللى عايشه مش ديابه
الناس اللى عايشه مش ديابه

افهمنا
ركز فى الكلام اللى بنقوله
افهمنا
اكيد هتفكر فيه الليل بطوله
افهمنا
قومو فى وش الظالم زعقولو
افهمنا
هييجى اليوم والشر اكيد هيطولو

تفكيرنا لما نغنى مش بنقول كلام وخلاص
قلب الانسان اكيد مش مجرد من الاحساس
الاحلام .. الاوهام كتير فى قلب كل الناس
ده ربك هو واحد .. ادى الحياه تنعاش

حياتنا ربنا خلقهالنا عشان نكون عاقلين
ليه ما نكونش بشر عايزينا نعيش مدبوحين
السلطه بتسرق وبتنهب وهاتك يا تقسيم
الظاهر هو فين كل حقوق المساكين

لو نزلت الشارع وسالت واحد ايه الاحوال
يحكيلك المأساه فى الحياه والاهوال
يقولك دى حياه مافيهاش اى امال
مش هى دى العيشه اللى اتخلقت للانسان

افهمنا
ركز فى الكلام اللى بنقوله
افهمنا
اكيد هتفكر فيه الليل بطوله
افهمنا
قومو فى وش الظالم زعقولو
افهمنا
هييجى اليوم والشر اكيد هيطولو

احلامنا واحنا صغيرين
نكبر واهى عدت سنين
واما بنفتكر الماضى نبكى وحنا فرحانين

مش عارف ان الاوان
انى ابكى على اللى كان
ولا افتكر ايام حلوه
مرت من زمان

الخوف من مستقبل مجهول
خلى الناس نسيو الاصول
الحقد فى قلوبهم على طول
مفيش تفكير انسان كسول

الدنيا بقت غابه
مليانه تعابين وديابه

الظلم بقى فيها عاده
افتكرو الاخره يا ساده

اتحدى واحد يفضل واقف على رجله على طول
اتحدى واحد ما عاشش فتتره وهو معزول
اتحدى واحد ماحسش فى مره بالغرور
انا واخد عهد لازم اتكلم ولازم اقول

هييجى يوم
والفلوس تبعدنا عن بعضنا
هييجى يوم
والفلوس تقتلنا كلنا
اوعى تقول
ده زمنا وده حظنا
احنا لازم نغير من ننفسنا

انا اما احب اغنى بحاول انسى الجراح
بحاول انسى الماضى بفكر اكون مرتاح
لكن الحياه اللى احنا عايشينها غريبه
الناس ناقص تاكل بعض دى دنيا عجيبه

افهمنا
ركز فى الكلام اللى بنقوله
افهمنا
اكيد هتفكر فيه الليل بطوله
افهمنا
قومو فى وش الظالم زعقولو
افهمنا
هييجى اليوم والشر اكيد هيطولو

yeah
that's egy rap school 2007

لتحميل الاغنيه من هنا

تحميل موفق

مشكووووووووووووووور على الاغنيه الجميله دى

هااااااااااى انا بموت فى الراب